"Na festa..."

Cun pampillo entre os dentes
e os beizos sorrientes,
fuche a luci-lo percal…

Filla do monte, entre espiñas
fuches criada, e non tiñas
idea do ben nin mal…

Namoriscoute un ·chaval”
e denantes da mañá
xa él gañara o xornal…

O pampillo se crebou
e na lama estoupou
entre o esterco do curral…

Funga no ceo un foguete,
o gañán foise ó garete
con outras ó Carnaval…

Chora ela… rencorosa…
polo pampillo de rosa
e o luxado percal…

.

O Xan

.

.