Ti faime caso...

Ti faime caso, neniña...
As cousas son coma son
eiquí e no Porto do Son...
pasa sempre a mesma cousa,
póñenche enriba una lousa
¡e tes que pedir perdón...!
.
Segue coa túa ilusión,
fermentando sentimentos,
pra queixumes e lamentos
dabondo os provoca a vida,
xa e cousa ben sabida:
"Si un chora... hay cen contentos."
.
Temos que estar moi atentos
que non tropece contigo
o que di ser teu amigo
e só quere a túa mel...
¡Fuxe da serpe crudel
¡que non se cebe contigo!

.

O zopilote inimigo

agóchase tras as rochas,

e pra percorrer as trochas

que levan ó bo camiño

hai que fiar ben o liño

e usar ben boas galochas.

.

Non metas o pé nas fochas

que son trampas perigosas,

nas que caen as boas mozas

que non curan de se mesmas

e atopan tristes cuaresmas,

ó buscar festas gloriosas.

.

Xan.

.