Antes que espalle o Outono... (Papeis vellos...)

Antes que espalle o Outono
as follas desta figueira
quixera por vez radeira
revivir un vello sono…

Aquel en que era o teu dono
e decíasme parleira:
¡Meu señor… faga o que queira…!

E con sutil abandono,
deitábaste xunto a min
e ofrecíasme o carmín
dos teus beizos melescentes…

Logo… o rexo vendaval
da puxa primaveral…

¡ Foron sonos… sóamentes…!
.
XovenXan.

.